LG фирмалык стилинин жаралышы жана жарыяланышы

LG фирмалык стилинин башаты башкаруудагы инновациялык өзгөрүүлөрдөн башталып, өзгөрүлүп жаткан башкаруу чөйрөсүнө жигердүү жооп кайтарууга жана топтун узак мөөнөттүү көз карашын терең түшүнүүгө багытталган. Компания ички жана чет өлкөдөгү бөлүмдөрү менен филиалдарынын аталыштарын бирдиктүү кылууга бел байлаган. Бул максатта кызматкерлердин, ошондой эле өлкөнүн ичиндеги жана чет өлкөлүк керектөөчүлөрдүн арасында сурамжылоо жүргүзүлгөн. Анын жыйынтыгында LG деген айтылуу аталыш тандалган.

Жаңы аталыш менен катар LG өзүнүн фирмалык стилин толугу менен жаңылаган. Ал мурдагы «Lucky Goldstar» тобунун беделин бекемдөөгө жана бүтүндөй дүйнөнүн кучагына бренд системасын жаратууга умтулган. Компаниянын жүзү катары ийгиликтүү фирмалык стиль кардарларды дизайны жана көркөмдүүлүгү менен өзүнө тартып турушу керек, ошондой эле бренддин чыныгы баалуулуктарын жана көз карашын чагылдырышы зарыл. Баарынан мурда, ал компаниянын тарых-таржымалын чагылдырып, анын жарык келечегине жол көрсөтүп турушу керек.

1995-жылдын 1-январында таңкы гезиттер Түштүк Корея жарандарына LG'нин жаңы фирмалык стилин тааныштырды. Кызыл түстөгү жылмайган белгинин астында «Жаңы жылыңыздар кут болсун!» деген жөнөкөй сөздөр жазылган.

Жарнама коомчулуктун бүйүрүн кадимкидей кызыткан. 4-январда, жаңы жылдык майрамдар өткөндөн кийин, LG коомчулуктун кызыгуусун канааттандырып, гезитке «Lucky Goldstar LG'ге айланууда» деген аталыштагы толук макаланы жарыялаган. Бул LG’нин коомчулукка жасаган алгачкы расмий кайрылуусу болгон.

Жаңы аталыш менен кошо сунушталган «Келечектин жүзү» деп аталган символдук белги Силла династиясынын «Силланын жылмаюусу» аттуу артефактына негизинде дем-шык алган. Ал тынчтыкты, келечекти, жаштыкты, адамзатты жана технологияны камтыган беш түшүнүктү баса белгилеп турат жана LG'нин «Кардарлар үчүн баалуулук жаратуу» жана «Адамга багытталган башкарууну илгерилетүү» деген башкаруу баалуулугун чагылдырып турат. «L» жана «G» тамгаларынан түзүлгөн бир көздүү жылмайган быйтыкча максатка умтулгандыкты, көңүл топтоону жана оң маанайды туюнтат. Ассиметриялуу бош мейкиндик чыгармачылыкты жана ыңгайлашууну туюнтат.

«Келечектин жүзү» дүйнөдөгү эң мыкты болууга талпынып турган күчтү, күч-кубаты ашып-ташып турган жаштарды жана жаңы технологиялык өзгөрүүлөргө бат ыңгайлашуу жөндөмүн айгинелейт. Ал дагы LG дайыма кам көрүп келген дүйнөнүн чар тарабына жашаган кардарлардын кызыкчылыктарын да символдоштурат. Ал LG'нин өзүнүн кызматкерлерине урмат-сый менен мамиле кылууга жана дүйнө жүзү боюнча кардарлардын муктаждыктарын канааттандырууга дилгир экенин көрсөтөт.

2015-жылдын 31-декабрында, 20 жылга созулган ийгиликтүү ишмердүүлүктөн кийин, LG компаниясы кезектеги өзгөртүүлөр багытына кадам таштады. Компания кардарга болгон сүйүүнү чагылдырган LG Smart Font арипти иштеп чыгып, логотипте колдонгон. LG Smart Font кол жазманын жылуулугун жана маанайын көрсөтүп, кардарга багытталган кам кордукту жана инновациялык рухту чагылдырып турат. Андан тышкары, бул арип «Life's Good» ураанында колдонулуп, ырааттуулукту жана биримдикти камсыз кылды.

2023-жылдын май айында кардарлар менен ар кандай байланыш каналдары аркылуу өз ара байланышты мурдагыдан да бекемдөө максатында LG Electronics брендин жаңылантты. Компания өзүнүн өзгөчө фирмалык стилин жаштык жана күч-кубат менен байытты, ошону менен бирге өзүнүн төмөндөгү баалуулуктарына ишенимдүү бойдон калды: кардарлар менен жогорку деңгээлде өз ара мамиле түзүү, адамдын муктаждыктарын эске алган инновациялар жана жылмаюуга түрткү берген жылуу-жумшак мамиле. Жаркылдаган маанай жана дүйнө жүзүндөгү адамдарга жакшы жашоо тартуулоо ниетте LG Electronics көзгө басар кызыл түсүн жана санарип логотибин сунуштап, «Жашоо керемет» («Life’s Good») ураанын дагы да таанымал кылды.